WOLPHGANGUS

I.

WOLPHGANGUS

Dux Bipontinus, filius Ludovici, nepos alexandri, unicus a Patre filius, adhuc puer, relictus: Mature dein in aulam Friderici II. Electoris Palatini admissus, artibus regendi imbutus est. Paternae ditionis administrationem an. aetat. 18. aggressus, superiori quoque Palatinatui, sub Friderico, praefuit. Euangelicae religionis constantissimus assertor, Smalcaldicis tamen in bello contra Carolum V. accedere recusavit. Interimisticam autem formulam A. C. 1548. piô ac generosô responsô deprecatus, nihilominus Pastores, si solum vertere iubeantur, etiam in re molestissima, obsequium promisit: ne postea quidem, cum de Principibus captivis liberandis vi ageretur, licet Philippi Landgravii gener. misceri voluit. Paulo post ab Ottone Henrico agnaro Neoburgicum Principatum donationis titulô accepit, ubi gymnasium Lavingae et alterum apud Bipontinos Hornbaci erexit. Demum exercitus auxiliaris A. C. 1569. destinati a Priderico Electore iuvandae Reformatorum in Gallia causae, imperium suscepit. Obiit Nessunii in Lemovicibus, eôdem annô. Eius filii Philippus Ludovicus Neoburgicam, Iohannes Biponituam et Carolus Bircofeldiam, lineas auspicati sunt.

II.

WOLPHGANGUS

Princeps Anhaltinus, fil. Waldemari e Margareta Schuartzenburgica, pietare, consiliô, moderatone, temperantiâ, gravitate et literis inclitus: Augustanam Confess. cum reliquis obtulit, foederi primo Euangelicorum Magdeburgico A. C. 1526. et deinceps Smalcaldico nomen dedit: Mauritio Magdeburgicis reconciliando A. C. 1550. suas partes interposuit, demum A. C. 1566. caelebs decessit fatis, eorum, qui Confessionem praedictam obtulerant, ultimus.

III.

WOLPHGANGUS

etiam inter nomina est hodierni Bavariae Electoris, qui ex Maximiliano Electore genitus A. C. 1635. Ferdinandi Mariae Francisci Ignatii Wolphgangi nomina in Baptismo accepit.

IV.

WOLPHGANGUS

fil. Alberti Pii, Bavariae Ducis, A. C. 1460. exstincti, fratri Alberto Sapienti, Christophoro itidem fratri iunctus,multum molestiae creavit. Tandem improlis moriens sua nepotibus transmisit.

V.

WOLPHGANGUS

fil. Ludovici Comitis Leonstenii, ex Helena Konigseckia, in bello Smalcaldico Duci Wirtenbergico se iunxit, inde Caroli V. auspicia, in Gallicis et Belgicis expeditionibus sequutus. Tandem ab Archiepiscopo Salisburgensi Dux militum constitutus, obiit A. C. 1571. Pater Henrici et Wolphgangi iunioris, qui Duci Wirtenbergico percarus fuit, vir miti et placidô ingeniô, obiitque A. C. 1596. Eô nati sunt Georgins Ludovicus, bellô Austriacô Venetorum miles, defunctus A. C. 1633, et Iohannes Casimirus, fidus Electoris Palatini in exilio Achates, in conflictu ad Hochstam Moeno mersus A. C. 1622. Viri illustres et Clari.